తెలంగాణలో బీజేపీ వ్యూహాలు…

బీజేపీ హైకమాండ్ పావులు కదపడం

వచ్చే అసెంబ్లీ ఎన్నికల నాటికి తెలంగాణలో పాగా వేయాలని బీజేపీ హైకమాండ్ పావులు కదుపుతోంది.
ఆ దిశగా ఎప్పటికప్పుడు కీలక నిర్ణయాలు తీసుకుంటోంది.

తెలంగాణ బీజేపీ నాయకత్వం

నిన్న, మొన్నటి వరకు బండి సంజయ్ తెలంగాణ బీజేపీ వాయిస్ వినిపించారు.
ఆ తర్వాత బండి సంజయ్‌ను కేంద్రమంత్రి వర్గంలోకి తీసుకుని, తెలంగాణ బీజేపీ చీఫ్‌గా రామచందర్రావుకు బాధ్యతలు అప్పగించారు.
పేరుకు చెప్పుకోవడానికి బీజేపీకి తెలంగాణలో చాలామంది సీనియర్ నేతలు ఉన్నారు.
బండి సంజయ్, కిషన్‌రెడ్డి, రఘునందన్‌రావు, అరవింద్, ఈటల రాజేందర్, డీకే అరుణ లాంటి నేతలు బీజేపీ వాయిస్ వినిపిస్తూనే ఉన్నారు.
కానీ అధిష్టానం మాత్రం కొత్త ముఖం కోసం చూస్తున్నట్లు తెలుస్తోంది.
పార్టీని మరింత విస్తృతస్థాయిలో ప్రజల్లోకి తీసుకు వెళ్లే నాయకత్వం కోసం హైకమాండ్ ప్రయత్నిస్తున్నట్లు తెలుస్తోంది.

పవన్ కళ్యాణ్ ప్రస్తావన

తెలంగాణలో బీజేపీని సమర్థంగా నడిపే నాయకుడు లేరా అన్న ప్రశ్న రాజకీయ వర్గాల్లో చక్కర్లు కొడుతోంది.
అందుకే పవన్ కళ్యాణ్‌ను తెరపైకి తెచ్చారనే ఊహాగానాలు వినిపిస్తున్నాయి.
జీహెచ్ఎంసీ ఎన్నికల ముందు పవన్ కళ్యాణ్‌ను వ్యూహాత్మకంగానే తెలంగాణ రాజకీయాల్లోకి దించిందా అన్న ప్రచారం కూడా జరుగుతోంది.
అయితే తెలంగాణలో పవన్ బలమెంత? తెలంగాణలో జనసేన, బీజేపీతో జతకడితే అది బీజేపీకి ప్లస్సా, మైనస్సా అని కొందరు లెక్కలేసుకుంటున్న పరిస్థితి ఏర్పడింది.
ఏపీలో వర్కౌట్ అయిన మ్యాజిక్ ఇక్కడ కూడా పనిచేస్తుందా?

తెలంగాణలో పాగా వేసేందుకు బీజేపీ కసరత్తు